Pavlodardaǵy tas joldy nege sý aldy - Vladımır Bekker pikir bildirdi
NUR-SULTAN. QazAqparat - Baıanaýyl aýdanyna qarasty «Qalqaman-Baıanaýyl-Úmitker-Ýlıanov» tas jolynyń 101 shaqyrymynda erigen qar sýy joldy shaıyp ketken bolatyn, dep xabarlaıdy QazAqparat tilshisi.
QR ІІM Tótenshe jaǵdaılar komıtetiniń tóraǵasy Vladımır Bekkerdiń aıtýynsha, atalǵan jol ýchaskesi áli jóndelgen joq. Sebebi ol jerde erigen qar sýynyń birazy jınalyp qaldy. Sol sýdy ótkizip alý qajet. Biraq aldaǵy jyldary ondaı jaǵdaı qaıtalanýy ábden múmkin. Óıtkeni joldy salǵanda erigen qar sýynyń jınalatyny eskerilgen joq.
«Negizi, erigen qar sýy jınalǵanda jol bóget sııaqty sýdy ustap turady. Sosyn geografııalyq jaǵdaı da bar. Sýdyń barlyǵy sol jerge baryp tireledi. Joldy salǵanda osyny eskerý kerek. Dál osy ýchaskeni tósegende esep-qısap durys jasalmaǵan tárizdi. Ol jerge sýdy ótkizetin qosymsha qurylǵylar qajet. Áıtpese, qazirgi jaǵdaı jyl saıyn qaıtalana beredi», - dedi V.Bekker Astanadaǵy baspasóz máslıxatynda.
Aıta keteıik, Pavlodar oblysynyń Baıanaýyl aýdanyna qarasty «Qalqaman-Baıanaýyl-Úmitker-Ýlıanov» tas jolynyń 101 shaqyrymynda erigen qar sýy jınalyp, uzyndyǵy 6 metrdi quraıtyn jol jolaǵyn shaıyp ketken bolatyn. Osyǵan baılanysty atalǵan ýchaskede kólik quraldarynyń qozǵalysyna shekteý qoıyldy. Atalǵan jol bóligi bir táýliktiń ishinde jóndeledi degen jospar bolǵan.
