Pavlodardaǵy órt aýmaǵy 6 esege ósti
PAVLODAR. QazAqparat – Bilim oshaǵyndaǵy órt aýmaǵy 6 esege deıin ulǵaıyp, 1 220 sharshy metrdi qurady, dep habarlaıdy QazAqparat tilshisi.
«Qaladaǵy №28 orta mekteptiń birinshi korpýsynyń ekinshi qabatynan órt shyqty. Onyń aýmaǵy 1 220 sharshy metr aýmaqty qamtyp, bólmelerdiń shatyry, jıhazdary órtendi», - dep habarlady oblystyq tótenshe jaǵdaılar departamentiniń baspasóz qyzmeti.
Departament mamandary órttiń 10.15-te toqtatylǵanyn atap ótti. Tótenshe oqıǵanyń shyǵý sebebi anyqtalýda.
«Oqıǵa ornynda tótenshe jaǵdaılar departamentinen 70 qyzmetker men 13 tehnıka, Apattar medıtsınasy ortalyǵynan 4 qyzmetker men 1 tehnıka, jergilikti atqarýshy organdardan 3 maman men 3 avtokólik jumys istedi», - dep tolyqtyrdy vedomstvodan.
