Pavlodardaǵy órt: 10-nan astam adam baspanasyz qaldy
PAVLODAR. QazAqparat - Ekinshi Pavlodarda eki úıdiń turǵyndary órt saldarynan baspanasyz qaldy, dep habarlaıdy pavlodarnews.kz.
Oblystyq TJD baspasóz qyzmetiniń málimdeýinshe, tilsiz jaý 200 sharshy metr jerdi jalmaǵan. - Órt saǵat 21:35-te Omby kóshesi 61 úı mekenjaıyndaǵy bes bólmeli, kirpishpen qaptalǵan qamys úıde bastaý aldy, - dedi baspasóz qyzmetinde. - Shatyrdyń aǵashtary, plastıkalyq terezeler men qorshaýlary janyp órt 90 sharshy metrge jaıyldy. Oǵan qosa, kólikjaıdyń shatyry men sharýashylyqqa arnalǵan qurylystardy jalyn sharpydy. Qutqarýshylar 27 lıtrlik gaz ballonyn alyp shyqty».
Sonymen qatar, órt janynda turǵan jeke úıge de jaıylǵan. 70 sharshy metr aýmaqta úıdiń shatyry otqa orandy. - Úsh mınýttyń ishinde oqıǵa orynyna bes órt sóndirý bólimderiniń qutqarýshylary jetti, - dedi TJD departamentinde. - Alty tehnıka jumys jasady. Saǵat 00:45-te órt tolyǵymen joıyldy».
Aldyn ala boljam boıynsha, tilsiz jaý elektr symdarynyń qysqa tuıyqtalýynan bolǵan. Zardap shekkender joq. Shyǵyndar anyqtalýda.
