Pavlodardaǵy mekteptiń órtenýine baılanysty qylmystyq is qozǵaldy

NUR-SULTAN. QazAqparat - QR Tótenshe jaǵdaılar mınıstrligi Memlekettik órt baqylaý basqarmasynyń basshysy Erlan Tóregeldıev Pavlodardaǵy mektep órtiniń neden shyǵýy múmkinin ekenin aıtty, dep habarlaıdy QazAqparat tilshisi.

«Keshegi órt faktisi boıynsha materıaldar ázirge tekserilip jatyr. Órttiń aldyn-ala sebebi - elektr quraldaryn, ıaǵnı standartqa saı kelmeıtin elektr uzartqyshtaryn paıdalaný kezinde órt qaýipsizdigi erejeleriniń buzylýy. Bul aldyn-ala boljam ǵana. Atalǵan órt faktisi boıynsha qylmystyq is qozǵaldy», - dedi E. Tóregeldıev Ortalyq kommýnıkatsııalar qyzmetinde ótken baspasóz máslıhatynda.

Respýblıkanyń barlyq mektepterin tekserý jóninde spıker jospardan tys tekserý josparlanbaǵanyn atap ótti. Óıtkeni syn-qater dárejesin baǵalaý krıterıılerine sáıkes, barlyq bilim berý nysandary aqpan-mamyr aralyǵynda tekseriledi.

«Qazirgi ýaqytta barlyq bilim berý nysandarynyń aýmaǵyna, qabatyna qaramastan josparly tekserýler júrip jatyr. ıAǵnı barlyq obektiler joǵary syn-qater dárejesine jatady, sondyqtan olar jıi tekseriledi. Birinshi jartyjyldyqqa shamamen 8 myń nysan josparlanǵan, olardyń jartysynan kóbi tekserildi. Mamyr aıynyń sońy men maýsymnyń basynda barlyq tekserýlerdiń nátıjesi halyqqa jetkiziledi dep aıtýǵa bolady», - dedi TJM ókili.

Degenmen, basqarma basshysy órt qaýipsizdigi talaptaryn buzýshylyqtar bar ekenin jetkizdi.

«Biraq bul ádette standartty buzýshylyqtar - evakýatsııalyq shyǵý joldarynyń jabylýy, joldardyń bitelýi, aqaýly elektr jabdyqtary jáne basqalary. Anyqtalǵan buzýshylyqtar boıynsha bilim berý nysandarynyń basshylaryna nusqama beriledi, olardy joıý merzimderi bekitiledi, olardy oryndamaǵany úshin jaýapkershilik kórsetiledi. Oqý jylynyń bastalýyna deıin uıǵarym alǵan barlyq bilim berý nysandary baqylanatyn bolady»,- dedi E. Tóregeldıev.

Eske sala ketsek, búgin tańerteń Pavlodardaǵy №28 mekteptiń 200 sharshy metr aýmaǵy órtenip ketti. Mektepten 576 adam, onyń ishinde 551 bala evakýatsııalandy.