Pavlodardaǵy mektepti tútin basyp, 500-ge jýyq oqýshy evakýatsııalandy

PAVLODAR. QazAqparat – Pavlodardaǵy №22 mektepte elektr symdary qorǵalǵan bólmeni tútin basty, dep habarlaıdy QazAqparat.

«Saǵat 16-35-te 101 nómirine Pavlodardaǵy №22 mektepten tútin shyǵyp jatqany týraly habar túsken. Elektr symdary qorǵalǵan 1-shi qabattaǵy bólmeni qoıý tútin basqan. Órt sóndirýshiler kelgenshe, 542 adam qaýipsiz jerge shyǵyp úlgergen, olardyń 493-i balalar»,-dep habarlady Pavlodar oblystyq Tótenshe jaǵdaılar departamentiniń baspasóz qyzmeti.

Órt saǵat 17:05-te sóndirildi. Zardap shekkender men mert bolǵandar joq. Tótenshe jaǵdaımen kúreske Pavlodar oblystyq Tótenshe jaǵdaılar departamentiniń 29 qyzmetkeri men 8 tehnıka jumyldyryldy.

Anton Gagarın