Pavlodardaǵy Lenın kóshesi Astana bolyp qashan ózgeredi
ASTANA. QazAqparat - Pavlodarda QR Tuńǵysh Prezıdenti kúnine oraı Lenın kóshesi Astana ataýyn alady, dep habarlaıdy pavlodarnews.kz.
Bul týraly qalalyq máslıhat sessııasynda depýtat Maqsat Aıtyshev aıtty.
«Biz barlyq jumystardy 1 jeltoqsanǵa deıin aıaqtaýdy kózdep otyrmyz. Úlgermesek, 16 jeltoqsanǵa deıin kóshe ataýyn ózgertemiz», - dedi Maqsat Aıtyshev.
Eske salaıyq, oblys ákimdigine qalanyń qurmetti azamattarynan Lenın kóshesin Astana dep ózgertý boıynsha usynys túsken. Osyǵan baılanysty qala ákimdigi qaýly shyǵaryp, máslıhatqa joldady. 16 jeltoqsan kúni turaqty komıssııa depýtattarynyń qatysýymen halyq aldynda tyńdaý ótken bolatyn. Sol kezde segiz depýtattyń jeteýi qoldaý bildirip, tek Vıktor Deımýnd qarsy shyqqan. Búgin sessııa kezinde 20 depýtattyń barlyǵy Lenın kóshesin elorda atyna aýystyrý boıynsha oń daýysyn berdi.
