Pavlodardaǵy kórmege ejelgi kúmis zergerlik buıymdar qoıyldy
PAVLODAR. QazAqparat - Pavlodarda Estaı atyndaǵy mádenıet saraıynda ashylǵan kórmege 19 – 20 ǵasyrdaǵy áıelderdiń bilezikteri men kúmis júzikteri de qoıyldy, dep habarlaıdy QazAqparat Pavlodarnews.kz saıtyna silteme jasap.
Kórmedegi eksponattar Pavlodar oblystyq G.N. Potanın atyndaǵy tarıhı-ólketaný mýzeıi men Buqar jyraý atyndaǵy ádebıet jáne óner mýzeıiniń qorynan ákelingen.
- Halyqaralyq áıelder merekesine oraı Ertis-Baıan óńirine eńbegi sińgen analarymyzdyń kıgen kıimi men ol kisilerdi qoldanǵan zattary osy kórmege qoıyldy. Sonyń ishinde tanymal Naǵıma Saǵyndyqqyzy, Gúlbarshyn Dúrmanova, qalamyzdyń qurmetti azamaty Sholpan Baıǵalyqyzy, bulbul kómeı ánshi Maıra Shamsýtdınovanyń zattary, halqy emshisi Úmit apamyzdyń kıgen shapandary osy kórmeden oryn aldy, - dedi G.N. Potanın atyndaǵy tarıhı-ólketaný mýzeıiniń qyzmetkeri Jeńisbek Qadyruly.
Merekege oraı uıymdastyrylǵan kórmede tulǵalardyń belbeýleri, shapandary, ydys-aıaqtary, áshekeı buıymdary qoıylǵan.
«19-20 ǵasyrdaǵy áıelderdiń bilezikteri men kúmis júzikteri de qoıylǵan. Mysaly, ulaǵatty ustaz, «Nur ana» oblystyq qoǵamdyq birlestiginiń alǵashqy tóraıymy Zara Qojahmetovanyń 20 ǵasyrda tigilgen ulttyq kıimi bar», - dedi Jeńisbek Qadyruly.
Sondaı-aq jýrnalıst, «Qyzyl juldyz» ordeniniń ıegeri, qoǵam qaıratkeri Lázıza Serǵazınanyń ustaǵan ydystary, Áıgili Maıra Shamsýtdınovanyń izin jalǵasýshy Qapıza Ábýǵalıqyzynyń kontserttik kóılegi de qoıylǵan.
Kórmedegi zattar belgili tulǵalardyń murajaıǵa tapsyrǵan jeke buıymdary.
