Pavlodardaǵy kópqabatty turǵyn úılerdiń kóbisinde ystyq sý toqtady

PAVLODAR. QazAqparat - Pavlodar qalasynyń soltústik jelilik aýdanyndaǵy kóp qabatty turǵyn úılerdiń kóbisinde búginnen bastap ystyq sý bolmaıdy, dep habarlaıdy QazAqparat.

«Pavlodarenergo» AQ-nyń málimetine qaraǵanda, gıdravlıkalyq synaqtardyń nátıjesinde 67 zaqym anyqtalǵan.

«Onyń 10-y magıstarldyq jylý jelilerinde, 57-si oramishilik jelilerde. Búgin, 25 sáýirde tańerteń tehnıkalyq sharttarǵa jaýap beretin turǵyn úıler men áleýmettik nysandardyń jylý jelisin toltyryp, ystyq sý berip bastadyq», - delingen habarlamada.

Aıta keteıik, jóndeý-qalpyna keltirý jumystaryn júrgizý jáne úılerdi ystyq sýmen jabdyqtaýǵa qosý men ystyq sýdan ajyratylǵan úılerdiń tizimi «Pavlodarenergo» AQ-nyń resmı saıtynda jarııalandy.