Pavlodardaǵy kolonııada kıiz úı jasala bastady

Pavlodarda qylmystyq jazalaýdy júzege asyratyn, qylmystyq-quqyqtyq yqpal etýdiń basqa da sharalary men qylmystyq jazasyn ótep shyqqan adamdarǵa kómek kórsetetin mekemelerdiń jumysyna járdemdesý boıynsha konsýltatıvtik-keńesshi organnyń (KKO) qatysýshylary Pavlodar oblystyq qylmystyq-atqarý júıesi departamentine qarasty úsh kolonııanyń ónerkásiptik aımaqtarynda boldy.

«Eńbek Pavlodar» respýblıkalyq memlekettik kásiporny bólimshesiniń dırektory Nurlybek Serdalın atap ótkendeı, 2017 jyly kompanııa qurylys materıaldary, PVH, metall jáne aǵash óńdeý, tigin buıymdary, kıiz úıler men osyǵan uqsas zattardy óndiretin shaǵyn jáne orta bıznes ókilderimen qyzmet kórsetý boıynsha kelisimshart jasady.

Taǵy bir jańalyq - negizgi óndiris bazasy aýylda ornalasqan AP-162/2 kolonııasynan «Pavlodar ıÝrta» JK óndirisiniń ashylýy.

Kıiz úı óndirisiniń negizin oqyp shyqqannan keıin bul kásiporynda eki sottalýshy jumys isteı bastaǵan. Kásiporyn bas dırektory Vıacheslav Gaıdýchkanyń aıtýynsha, olardyń aılyq jalaqysy 26 myń teńge, dep habarlaıdy QAJ baspasóz qyzmeti.

«Jigitterdiń jumysyna rızamyn, - dep atap ótti V. Gaıdýchok. Budan buryn sottalýshylardyń biri jazasyn ótep shyqqannan keıin meniń Kenjekól aýylynda ornalasqan negizgi óndirisimde jumys istedi. Bir aıdyń ishinde tórt kıiz úı jasap shyǵara alamyz. Tájirıbemiz bar, kıiz úılerdi elektrolız jáne alıýmınıı zaýyttary úshin jasap shyǵardyq. Kıizdi ázirge satyp alyp jatyrmyz, qajetti quraldar bar, biraq onyń tehnologııasyn ázirge meńgermedik. Tseh tapsyrys berýshiniń talǵamyna qaraı kez kelgen kólemdegi kıiz úıdi jasalady, tipti qajet bolsa jylytatyn edenin de daıyndaıdy. Onyń quny kólemine baılanysty. Mysaly, alty qanatty kıiz úı 700 myń teńgeden bastalady. Tapsyrys arqyly tsehta jumys isteıtin sottalýshylar sanyn arttyrýǵa múmkindik bar», - dedi komıssııa múshelerine kásipker.

KKR tóraǵasy, Pavlodar oblysy ákiminiń orynbasary Meıram Begentaev kásipkerge kıiz úıdi saýdalaý jaǵynan kómektesýge ýáde etti.