Pavlodardaǵy qoǵamdyq kólikterde júrgizýshiler jetispeı jatyr

Buǵan deıin áleýmettik jelide pavlodarlyqtar oqý jylynyń bastalýymen qoǵamdyq kólikterdiń shamadan tys tolyp ketýi máselesin kótergen bolatyn. Qaladaǵy qoǵamdyq kólikterge jumysqa baratyn jolaýshylardan bólek, joǵary oqý oryndary men kolledjderdiń stýdentteri, sondaı-aq mektep oqýshylary qosyldy. Kóbine qala turǵyndary taksı qyzmetin paıdalanýǵa májbúr.
Pavlodar qalasy ákimdiginiń baspasóz qyzmeti ótken jyly pandemııa kezinde jolaýshylar aǵynynyń tómendeýine jáne qoǵamdyq kólik jumys istemegen kezeńge baılanysty kóptegen júrgizýshiler jumys ornyn aýystyrǵanyn habarlady.
- Qazirgi ýaqytta Pavlodarda úlken syıymdylyqtaǵy 1-klasty avtobýstarda ǵana emes, shaǵyn klasty – shaǵyn avtobýstarda da júrgizýshi quramynyń jetispeýshiligi bar, - dep túsindirdi qala ákimshiligi. - Júrgizýshilerdiń jetispeýshiligine baılanysty qozǵalys aralyǵynyń ulǵaıýy baıqalady. Bul qala turǵyndarynyń shaǵymdaryn týdyrǵany ras. Qazir júrgizýshilerdi qabyldaý úshin jekelegen marshrýttardy áleýmettik mańyzdy dep taný jáne keıinnen olardy sýbsıdııalaý josparlanýda. Munda jańa turaqty jumys oryndary paıda bolyp, júrgizýshiler men kondýktorlar turaqty eńbekaqysy bar shtatqa aýystyrylady. Bul avtobýstardyń qarbalas sáttegi qozǵalys aralyǵyn azaıtyp, kásiporyndarǵa avtoparkti jańartýǵa múmkindik beredi.

Sonymen qatar, ákimdik oblys ortalyǵynda jolaýshylar men bagajdy avtomobılmen qalalyq turaqty tasymaldaýdyń marshrýttyq jelisi 32 avtobýs marshrýtyn, onyń ishinde 12 marshrýtty – shaǵyn klasty marshrýtty qamtıdy dep tolyqtyrdy. Munda - A/ - №№ 003, 3, 7, 14, 55, 111, 115, 126, 151, 152, 153, 157.
Onyń ishinde tórt maýsymdyq № 6, 17, 31, 42, munda shamamen 134 úlken klasty avtobýs (rezervimen – 165), 279 kishi A klasty avtobýs (rezervimen – 319) jumys isteıdi.
«Pavlodar qalasynyń tramvaı basqarmasy» AQ balansynda 111 jolaýshylar vagony bar. Onyń ishinde kún saıyn jelige 68 elektr kóligi jolǵa shyǵady.