Pavlodardaǵy keýip bara jatqan qyzǵylt kólge komıssııa barady – Zúlfııa Súleımenova

ASTANA. QazAqparat – QR Ekologııa jáne tabıǵı resýrstar mınıstri Zúlfııa Súleımenova Pavlodar oblysyndaǵy Korıakovka kóliniń jaı-kúıi týraly pikir bildirdi, dep habarlaıdy QazAqparat.

Áleýmettik jelide adamdardyń Korıakovka kólin qurǵatyp, túbindegi tuzdy qapqa salyp áketip jatqany jazylǵan edi.

«Qazir Ekologııa komıteti, Pavlodar oblystyq tabıǵı resýrstar jáne tabıǵat paıdalanýdy retteý basqarmasy, ekologtar jáne qoǵam belsendileriniń qatysýymen komıssııa qurylyp jatyr. Olar Korıakovka kóline tekserý júrgizedi. Bul - Qazaqstandaǵy ekinshi qyzǵylt tústi sırek kól. Komıssııa jumysynyń nátıjesi QR Ekologııa jáne tabıǵı resýrstar mınıstrliginiń saıtynda jáne BAQ-ta jarııalanady», - dep jazdy mınıstr óziniń Instagram jelisinde.

Atalǵan top búkil uıymdastyrý jumystary aıaqtalǵan soń seısenbi kúni jolǵa shyqpaq.