Pavlodardaǵy kentti sý basty
PAVLODAR. QazAqparat - Pavlodardyń soltústik bóliginde ornalasqan Jańaaýyl kentiniń turǵyndary erigen qar sýy basqandyqtan, kóshege shyǵa almaı otyr, dep habarlaıdy QazAqparat tilshisi.
«Jańaaýyldaǵy qardy tasyp shyǵarýǵa qarajat bólinbegen, esesine erigen qar sýyn tartyp shyǵarýǵa qarjy bar. Qazir kentte sýdy tartyp shyǵarýmen «Garant Stroı Grýpp» JShS merdiger uıymy aınalysyp jatyr», - dep málimdedi Pavlodar ákimdiginiń baspasóz qyzmeti.
Ákimdik baspasóz qyzmeti ókilderiniń aıtýynsha, merdiger uıymnyń jalǵyz tehnıkasy kenttegi sýdy bir apta boıy tartyp shyǵarýy tıis, biraq bul merzim sozylýy da múmkin. Óıtkeni uıymnyń qalǵan toǵyz mashınasy Pavlodardaǵy sýdy aǵyzýmen álek.
Kenttegi jaǵdaı týraly onyń turǵyndary aıtyp jatyr. «Jylda osylaı qaıtalanady. Biraq TKSh sonda da kóshedegi qardy der kezinde tasyp shyǵarmaıdy. Bul áli bastamasy, qardyń erı bastaǵanyna eki kún ǵana boldy. Al biz osynyń ózinde jumysqa da, mektepke de, balabaqshaǵa da bara almaı otyrmyz», - deıdi turǵyndardyń biri Tatıana Súleımenova ózi túsirgen vıdeoda.
