Pavlodardaǵy elektrolız zaýytynda órt shyqty
PAVLODAR. QazAqparat - Pavlodardaǵy Qazaqstan elektrolız zaýytynda órt shyqty. Gaz qubyry júıesinde temperatýranyń kóterilýi saldarynan tútindep, onyń sońy órtke aınalǵan, dep habarlaıdy QazAqparat tilshisi.
«20 naýryzda Qazaqstan elektrolız zaýytynyń elektrodtar shyǵaratyn tsehynyń gaz tazalaý júıesinde órt shyqty. Gaz qubyry júıesinde temperatýra kóterilip, onyń sońy órtke ulasqan», - dep habarlady «Qazaqstan elektrolız zaýyty» AQ.
Bul týraly ónerkásiptik kompanııa áleýmettik jelidegi resmı paraqshasynda málim etti. «QEZ» AQ habarlaýynsha, kelgen órt sóndirý qyzmeti jalyndy aýyzdyqtady. Barlyq qyzmetkerler órt ornynan tez arada evakýatsııalandy. «TB qyzmeti jedel járdem shaqyryp, qyzmetkerlerdiń densaýlyǵyn tekserdi. Jeke quram arasynda oqıǵa saldarynan ýlaný faktileri anyqtalǵan joq», - dep tolyqtyrdy aktsıonerlik qoǵam.Avtory: Anton Gagarın
