Pavlodardaǵy Bylqyldaq kóliniń balyǵy mýtatsııaǵa ushyrap jatyr
PAVLODAR. QazAqparat - Bylqyldaq kóliniń sý quramyndaǵy synap mólsheri belgilengen mólsherden 20 esege artyp ketken, dep habarlaıdy «QazAqparat» HAA tilshisi.
«Kólde sazan, nálim, tuqy bar. Balyqtardyń 36 paıyzy mýtatsııaǵa ushyraǵan. Aýzy jolaqtary ózgerip, qabyqtary qotyrlanyp, bastary ózgeriske ushyraǵan. Bul jerden aýlanǵan balyq árıne jeýge kelmeıdi», - deıdi jergilikti veterınarııa bóliminiń basshysy Asyltas Tileýbaev.
Pavlodar oblysynyń jaýapty organdary Bylqyldaq jınaqtaýysh-kóliniń jándikterine zertteý júrgizdi. Atalmysh kól 1975 jylǵa deıin mańaıdaǵy barlyq óndiristik aımaqtyń aǵyndy qaldyq sýlaryn qabyldaǵan. Keıin bul kól hımııalyq zaýyt ıeligine berilipti. Bylqyldaq kóliniń sý quramyndaǵy synap mólsheri belgilengen mólsherden 20 esege artyp ketken. 2006 jyldan beri sý qoımasyn «Kaýstık» AQ qoldanyp keledi.
Jándikterden alynǵan synamalar, balyqtardyń 36 paıyzy mýtatsııaǵa ushyrap, aýyz jolaqtary ózgerip, qabyqtary qotyrlanyp túse bastaǵanyn bastary ózgeriske ushyraǵanyn kórsetip otyr. Mundaı ekologııalyq jaǵdaıda, kólden balyq aýlap jegen jergilikti turǵyndardyń densaýlyǵyna qaýip tónetini anyq. Prokýratýra ókilderi kólge barǵan kezde mańaıdaǵy turǵyndardyń Bylqyldaqtyń sýyn malǵa beretindigi málim boldy.
