Pavlodardaǵy beıimdelý ortalyǵy qańǵybastarǵa lyq toly
PAVLODAR. QazAqparat - Pavlodardaǵy turaqty mekenjaıy joq adamdarǵa arnalǵan 100 oryndyq beıimdelý ortalyǵynda 108 qańǵybas tirshilik keship jatyr.
Bul týraly ortalyq dırektory Serik Nurǵojın málim etti, dep habarlaıdy pavlodarnews.kz.
«Beıimdeý ortalyǵynda turaqty mekenjaıy joq 104 adam bar edi», - deıdi Serik Nurǵojın. - Onyń 22-si áıel adam bolsa, 82-si er adam. Endi taǵy tórt adam qosylyp, kórsetkish 108-ge jetti. Eń jasy 30-da, eń úlkeni 83 jasqa tolady. 2017 jyly júgingen 283 adamnyń 46-sy áıel adam, 237-si er adam. 2016 jyly úıi-kúıi joq júrgen 308 adamǵa kómek kórsetilgen bolatyn. Olardyń arasynda erlerdiń sany basym - 243, qalǵan 65-i áıel adam».
1999 jyldyń qazan aıynan beri jumys istep jatqan ortalyq 100 adamǵa ǵana shaqtalǵan. Serik Nurǵojınniń sózine súıensek, munda kóbinese óziniń turaqty baspanasy joq, ishimdikke salynyp ketýi saldarynan otbasynan aıyrylǵan, eshbir qujattary joq jandar jıi keledi. Sonymen qatar, balalarynyń áke-sheshelerin kútýge jaǵdaıy bolmaǵanda egde jasqa kelgen jandar osynda kelip bas saýǵalaıdy. Aıta keteıik, jańajyldyq mereke kúnderi beıimdelý ortalyǵy segiz qańǵybasty qabyldaǵan.
