Pavlodardaǵy balabaqshadaǵy janjal: basshy jazalandy
ASTANA. QazAqparat - Pavlodarda №21 balalar baqshasynyń basshysy eskertý túrindegi tártiptik jazaǵa tartyldy. Onda tárbıeshi balalarǵa dórekilik tanytty dep aıyptalǵan bolatyn, dep habarlaıdy pavlodarnews.kz.
Qalalyq bilim bóliminiń basshysy Gúljan Qadyrbaevanyń aıtýynsha, mektepke deıingi bilim berý mekemesiniń basshysy baqylaýdy nasharlatqany úshin eskertý túrindegi tártiptik jazaǵa tartyldy.
«Tárbıeshiniń kómekshisi kinásin moıyndady, ol jumystan bosatyldy. Búgin balabaqshada tekserý júrgiziledi. Eger tárbıeshiniń kinási anyqtalsa, ol da tártiptik jazaǵa tartylady», - dedi Gúljan Qadyrbaeva.
Sondaı-aq, ol balabaqshanyń aldyńǵy orynda ekendigin atap ótti. Dırektory Svetlana Bertybaevanyń eńbek ótili 35 jyl, ol mektepke deıingi bilim berý mekemesin 8 jyldan beri basqaryp keledi. Buǵan deıin onyń ústinen shaǵym túspegen.
Eske salaıyq, Pavlodarda №21 balabaqshanyń ata-analary tárbıeshi balalarǵa dórekilik tanytady dep kúmándanǵan. Ol balalardy ıterip, jelkelerinen urǵan. Balalar balabaqshaǵa barýdan bas tartqan. Ata-analardyń biri kúdigin seıiltý úshin balasynyń kıimine dıktofon tigip qoıǵan. Keıin taspadaǵy sózderdi estip, shoshyǵan.
