Pavlodardaǵy aqaý shyqqan jylý jelisi búgin tolyqtaı jóndelip bitedi

PAVLODAR. QazAqparat - Pavlodar qalasynda bes kópqabatty úı men 58 jeke turǵyn úı jylýdan ajyratyldy, dep habarlaıdy QazAqparat.

Qala ákimdiginiń málimetinshe, 18 jeltoqsanda jylý jelilerinde aqaý paıda bolǵan.

«Mamandar aqaýdy anyqtady. Jeltoqsannyń 18-i kúni keshke jylý jelileri qaıtadan qosyla bastady. «Pavlodar jylý jelileri» JShS mamandary jylý kamerasyndaǵy sýdy soryp aldy. Jóndeý jumystary 19 jeltoqsan kúni tańerteń bastaldy. Qazirgi ýaqytta jumys júrgizilýde. Ortalyq kósheniń boıyndaǵy 58 jeke jáne bes kópqabatty turǵyn úı jylýdan ajyratylǵan bolatyn. Turǵyn úılerdi aralap, tutynýshylarǵa qabyldanǵan sharalar týraly eskertildi. Másele baqylaýda», - dep túsindirdi Pavlodar ákimdiginen.

«Pavlodarenergo» AQ jaqyn jerden ótetin kabeldik jelilerdiń kóptigine jáne qoldanystaǵy jelidegi aqaýdy joıýǵa tehnıkalyq múmkindiktiń joqtyǵyna baılanysty uzyndyǵy 40 metr jańa jeli tartý týraly sheshim qabyldanǵanyn aıtty.

Kompanııa zalal tolyq joıylǵansha jumys úzdiksiz júrgiziletinine sendirdi. Tutynýshylardy tolyq jylýǵa qosýdyń boljamdy ýaqyty – búgin, 20 jeltoqsan, saǵat 9.00.

Foto: Pavlodar qalasynyń ákimdigi