Pavlodardaǵy jańa shaǵyn aýdanda turǵyndarǵa 198 páterdiń kilti tapsyryldy
PAVLODAR. KAZINFORM - Jańa páterler baspana kezeginde 15 jyldan astam turǵan azamattarǵa buıyrdy. Olar - halyqtyń áleýmettik osal toptary, jetim balalar.
Oblys ortalyǵynda jańadan paıda bolǵan «Dostyq» shaǵyn aýdanynda taǵy bir turǵyn úı paıdalanýǵa berildi. Jalpy sany 198 otbasy baspanaly boldy.
Jańa páterdiń kiltin saltanatty túrde tabystaǵan Pavlodar oblysynyń ákimi Asaıyn Baıhanov qýanyshqa kenelgen turǵyndardy quttyqtady.
- Bul páterler sonaý 2000-shy jyldardan beri turǵyn úı kezeginde turǵandarǵa berilip otyr. Halyqtyń áleýmettik jaǵynan osal toptary, jetim balalar baspanalarmen qamtylyp jatyr. Sabyrlyq tanytyp, osy ýaqyt ishinde túsinistikpen qaraǵandaryńyz úshin alǵys aıtamyn. Shańyraqtaryńyz shattyqqa, baq-bereke men qýanyshqa toly bolsyn! - dedi ol.
Bıyl Pavlodar oblysynda jalpy sany 1 280 páterdi paıdalanýǵa berý josparlanǵan. Mamyr aıynda taǵy 200 páterdiń kilti tabystalady.
Óńirde jalǵa beriletin turǵyn úı salý tájirıbesi jalǵasa beredi. Jobany QR Úkimeti qarjylandyrady.
