Pavlodardaǵy jańa mektep zaǵıptar qoǵamy uıymynyń ornyna salynatyn boldy
PAVLODAR. KAZINFORM - «Jaıly mektep» ulttyq jobasy boıynsha turǵyzylatyn bilim uıasy úshin shamamen 3-3,5 gektardaı jer qajet. Zaǵıptar qoǵamynyń tigin tsehy ornalasqan aýmaq qurylys úshin eń qolaıly oryn sanalyp otyr.
Ótken aptada oblysqa jumys saparymen kelgen Eńbek jáne halyqty áleýmettik qorǵaý mınıstri Svetlana Jaqypova bul máselege kóńil aýdaryp, ákimdiktiń josparymen tanysty.
«Oblys basshylyǵy zaǵıptar qoǵamy úshin ózge jerden jańa ǵımarat berilip, tigin tsehy úshin jańa tigin mashınkalary satyp áperiletinin aıtyp otyr. Qazirgi keshenge jaqyn turatyn jandardy jańa orynǵa tegin tasymaldaıtyn avtobýs uıymdastyrylady. Menińshe, bul – qolaıly jaǵdaı. Atalǵan kásiporynda 40 adam jumys isteıdi. Al jańadan salynatyn mekteptiń qyzyǵyn 1200 oqýshy kóretin bolady», - dedi Svetlana Jaqypova buqaralyq aqparat quraldaryna bergen suhbatynda.
Qalalyq bilim berý bóliminiń basshysy Qýanysh Qydyralınnyń sózinshe, Ýsolka men Zaton shaǵyn aýdandaryndaǵy oqýshylar ornynyń jetispeýshiligi myń jarymnyń ústinde. Keıingi úsh jylda oqýshylar sany eselep artyp, jańa mektep salý jobasyn tezdetýdi qajet etip otyr.
