Pavlodardaǵy jańa kópir 2027 jyly qoldanysqa beriledi — ákim esebi

ASTANA. KAZINFORM — Jyl basynan beri Pavlodarda respýblıkalyq máni bar 196 shaqyrym avtojol jóndeldi. Bul týraly óńir ákimi Asaıyn Baıhanov baıandady. 

Sonymen birge, 445 shaqyrym jergilikti jol, onyń ishinde eldi mekenderdegi kósheler jańartylǵan.

— Oblys ortalyǵynda Ertis ózeni arqyly jańa kópirdiń qurylysy júrgizilip jatyr. Qazirgi ýaqytta jumys kólemi 52%-ǵa jetti, al jobany aıaqtaý 2027 jylǵa josparlanǵan, — dedi Asaıyn Baıhanov elordada Ortalyq kommýnıkatsııalar qyzmetinde.

Sonymen birge, qalalardyń jaılylyǵynyń basty kepili — qoǵamdyq kóliktiń damyǵan júıesi bolyp otyr.

— Osy baǵytta aıtarlyqtaı jetistikterge jettik. Sońǵy eki jylda 268 jańa avtobýs parkke qosylyp, búgingi tańda oblystyń úsh qalasyndaǵy qoǵamdyq kóliktiń 90%-y zamanaýı, keń ári yńǵaıly avtobýstarmen qamtamasyz etildi. Jyl sońyna deıin jańa avtobýstar sany 279-ǵa jetedi, — dedi Asaıyn Baıhanov.

Aıta keteıik, Pavlodarda áleýmettik salaǵa oblys bıýdjetiniń 51% paıyzdan astamy bólinedi. Jalpy óńirde 25,5 myń jańa jumys orny ashyldy. Jumyssyzdyq 4,8% paıyz deńgeıinde saqtalyp otyr.

Buǵan deıin oblys ákimi Pavlodar sharýalary rekordtyq 1,1 mln tonna astyq jınaǵanyn aıtqan edi.