Pavlodardaǵy tótenshe jaǵdaılar qyzmeti sý tasqyny qaýpi bar aýmaqtarda táýlik boıy monıtorıng júrgizýde
PAVLODAR. KAZINFORM - Avtojoldar men eldi mekender ishindegi sý qubyrlary qardan arshylyp jatyr. Keıbir aýmaqtarda erigen qar sýy birtindep oıpań jerlerge jınalyp jatqany baıqalady.
Pavlodar oblysy tótenshe jaǵdaılar departamentinen habarlaǵandaı, vedomstvonyń aýdandyq bólimsheleri sý tasqyny qaýpi bar aýmaqtarda táýlik boıy monıtorıng júrgizýde.
«10 aqpan kúni «QazAvtoJol» kompanııasynyń qyzmetkerlerimen birlesip, tas jol boıyndaǵy sý jınala bastaǵan qaýipti aımaqtar anyqtaldy. Barlyq aýdandarda sý ótkizgish qubyrlardy tazalaý jáne ashý jumystary júrgizildi. Sonyń arqasynda sý deńgeıi aıtarlyqtaı tómendep, tasqyn qaýpi joıyldy. Jaǵdaıdy baqylaý úshin táýlik boıy vahta uıymdastyryldy», dep málimdedi departamenttegiler.
Eske sala keteıik, Pavlodar oblysynda 43 eldi meken aıryqsha baqylaýda tur. Olarǵa negizinen jazǵyturym ózender arnasynan asqanda nemese qar jyldam erigende qaýip tónedi.
