Pavlodardaǵy saýda úıine jarylǵysh zat qoıylǵany týraly habardan keıin adamdar evakýatsııalandy

PAVLODAR. KAZINFORM - «Gýllıver» saýda úıine jarylǵysh zat qoıylǵany týraly habar búgin keshkilik túsken. Oqıǵa ornynda tótenshe jaǵdaılar qyzmeti men quqyq qorǵaý organdarynyń qyzmetkerleri jumys istep jatyr.

Bul týraly óńirlik tótenshe jaǵdaılar qyzmetinen habarlandy.

«3 naýryz kúni saǵat keshki 18.02-de Pavlodar qalasyndaǵy «Gýllıver» saýda úıinde jarylǵysh zat qoıylǵany týraly habarlama tústi. Quqyq qorǵaý organdary adamdardy evakýatsııalady»,-dep habarlady departamentten.

Oqıǵa ornynda qazirgi ýaqytta óńirlik tótenshe jaǵdaı departamentiniń 17 mamany men 3 avtokólik, apattyq medıtsına ortalyǵynyń, polıtsııa, ulttyq qaýipsizdik komıtetiniń jáne jedel járdem qyzmetkerleri jumys istep jatyr.