Pavlodardaǵy reıd: Mas kúıde kólik júrgizgen 18 adam ustaldy
ASTANA. KAZINFORM — Pavlodarda «Quqyqtyq tártip» is-sharasy barysynda 1,5 myńǵa jýyq quqyq buzýshylyqtyń joly kesildi, dep habarlaıdy QR ІІM baspasóz qyzmeti.
Pavlodar oblysynda quqyq buzýshylyqtardyń aldyn alýǵa, azamattardyń qaýipsizdigin qamtamasyz etýge jáne qoǵamdyq tártipti saqtaýǵa baǵyttalǵan «Quqyqtyq tártip» jedel-profılaktıkalyq is-sharasy ótkizilip jatyr.
Іs-shara bastalǵaly 1408 quqyq buzýshylyqtyń joly kesildi.
Onyń ishinde kólik quralyn mas kúıinde basqarýdyń 18 faktisi, buryn kólik basqarý quqyǵynan aıyrylǵanyna qaramastan, qaıtadan rólge otyrǵan 12 júrgizýshi anyqtaldy.
Sonymen qatar usaq buzaqylyqtyń 51 faktisi jáne qoǵamdyq oryndarda alkogoldik ishimdikterdi ishýmen baılanysty 246 quqyq buzýshylyq tirkeldi. Ýaqytsha beıimdeý jáne detoksıkatsııa ortalyǵyna 404 adam ornalastyryldy.
— Máselen, Pavlodar qalasynda Edige bı kóshesinde polıtsııa qyzmetkerleri Kia markaly avtokólikti toqtatty. Júrgizýshiniń mas kúıde bolǵany medıtsınalyq kýálandyrý nátıjesinde rastaldy. Shiderti kentiniń mańynda Lexus RX200 avtokóliginiń júrgizýshisi qarsy baǵyttaǵy qozǵalys jolaǵyna shyǵyp ketken. Quqyq buzýshylarǵa qatysty qajetti materıaldar jınaqtalyp, sotqa joldandy. Eki kólik te arnaıy turaqqa qoıyldy, — dep habarlady Pavlodar oblysy PD ákimshilik polıtsııa basqarmasynyń bastyǵy Bákibaı Ahmedıanov.
Osyǵan deıin Astanada ushaq bortynda janjal shyǵarǵan mas jolaýshy 10 táýlikke qamalǵany belgili boldy.
