Pavlodardaǵy respýblıkalyq toǵyzqumalaq týrnırine 350-den asa oıynshy jınaldy
PAVLODAR. KAZINFORM — Pavlodardaǵy «Shahmat úıinde» óńirlik «Saryarqa samaly» gazetiniń júldesi úshin toǵyzqumalaqtan XIV respýblıkalyq týrnır jalaýyn kóterdi. Elimizdiń 10 aımaǵynan jınalǵan 350-den astam oıynshy eki kún boıy ózara myqtylardy anyqtaıdy.
Dástúrli doda osymen 16-shy márte ótip jatyr. 350-den astam oıynshy jeńisten dámeli bolyp kelip otyr. Bıyl týrnır jyldaǵydaı jas erekshelikteri boıynsha 5 topqa jiktelip, er jáne qyz balalar arasynda ótýde. Qostanaı, Abaı, Qaraǵandy, Shyǵys Qazaqstan, Aqmola, Qaraǵandy, Ulytaý oblystarynan, Astana, Almaty, Shymkent qalalarynan jáne Pavlodar óńiriniń aýdan-qalalarynan sportshylar baq synap jatyr.
Jarys rapıd túri boıynsha, 8, 10, 13, 15, 16 jas jáne odan eresek sportshylar arasynda ótedi. Qatysýshylarǵa 52 júldeli oryn qarastyrylǵan.
Negizi toǵyzqumalaq Pavlodar jerinde erte zamannan jaqsy damyǵan. Ulylar dáýirinen jetken zııatkerlik oıyn Alash arystary arasynda da tanymal bolǵany málim.
Bir derekterde akademık Qanysh Sátbaev Qarsaqpaıda áldebir ustaǵa taqtasyn arnaıy oıǵyzyp jasatyp, alǵash ret mektepte toǵyzqumalaqtan jarys ótkizgeni aıtylady. Keńes ókimeti jyldary toǵyzqumalaq umyt qalǵan joq.
Potanın atyndaǵy oblystyq tarıhı-ólketaný mýzeıinde Ýspenka aýdany Tobyljan aýylynda týǵan Ábdikárim Esalınovtyń (1870-1965 jj.) óz qolymen jasap shyǵarǵan toǵyzqumalaq taqtasy saqtalǵan.
Pavlodar qalasynda 1967 jyly toǵyzqumalaq oıynynan «Eńbek» atty tuńǵysh chempıonat ótti.
Saıysty uıymdastyrǵan «Qyzyl tý» (qazirgi Pavlodar oblystyq «Saryarqa samaly») gazetiniń qyzmetkeri edi.
1987 jyldan bastap balalar men jasóspirimder sport mektepterinde toǵyzqumalaq oıyny qolǵa alynyp, oqýshylar men jasóspirimder arasynda jarystar ótkizile bastady.
Resmı statıstıkaǵa súıensek, Pavlodar oblysynda 2 myńnan astam oqýshy toǵyzqumalaqpen turaqty shuǵyldanady.
Eske sala keteıik, toǵyzqumalaq oınaıtyndar azaıyp barady.
