Pavlodardaǵy referendým ýchaskelerinde aýyl sharýashylyǵy jármeńkeleri ótip jatyr
PAVLODAR. KAZINFORM - Búgin tańerteńnen oblystyń eldi mekenderinde aýyl sharýashylyǵy jármeńkeleri ótip jatyr. Bir ǵana Pavlodar qalasynda arzan baǵadaǵy azyq-túlik ónimderi 47 jerde satyldy. Al oblys boıynsha 100-den astam jerde uıymdastyryldy.
Jármeńkeler negizinen referendým ýchaskelerinde uıymdastyryldy.
№127 referendým ýchaskesiniń tóraǵasy Aıymgúl Ahmetjanova ýchaske ornalasqan mektep ashanasynda kartop, sábiz, kúrish, qant, jumyrtqa, tuz, kúnbaǵys maıy, un, makaron ónimderi jáne taǵy basqa da azyq-túlik túrleri satylyp jatqanyn jetkizdi.
«Adamdar daýys bergen soń jármeńkege ótip, arzan ónimdi talasa-tarmasa alyp jatyr. Ónimderdiń, sonyń ishinde ózimizdiń Pavlodar jerinde ósetin kartop pen kókónis baǵalary naryqtaǵydan áldeqaıda arzan. Máselen, kartop pen sábizdiń kılogramy 40 teńgeden satylyp jatyr. Al jumyrtqanyń ondyǵy 480 teńge turady. Bul tutynýshylar úshin asa qolaıly degen oıdamyz. Ásirese, zeınetkerlerdiń qala syrtynda ornalasqan «Jaılaý» fermerlik bazaryna bara berýge múmkindigi joq. Óz úıleriniń janynan arzan azyq-túlik satyp alýyna bolady», dep atap ótti ol.
