Pavlodardaǵy Ortalyq jaǵajaı elimizdegi TOP-3-ke endi
PAVLODAR. KAZINFORM — Ertis ózeniniń boıynda ornalasqan Ortalyq jaǵalaý tabıǵatty saqtaý maqsatyndaǵy ekologııalyq sheshimderdi jáne bastamalardy qoldanýmen erekshelengen. Onyń ústine tolyqtaı tegin qyzmet kórsetedi.
Qazaqstanda jaǵajaı maýsymynyń aıaqtalýyna baılanysty «Úzdik jaǵajaı» baǵdarlamasynyń qorytyndysy shyǵaryldy. Onyń nátıjesinde Pavlodardaǵy Ortalyq jaǵalaý úzdik úshtikke enip otyr. Jaǵajaı múmkin bolǵan 170 ball boıynsha 145 ballǵa ıe bolǵan.
Baıqaý «Kazakh Tourism» bastamasymen, QR Týrızm jáne sport mınıstrligi men «Atameken» UKP qoldaýymen uıymdastyrylǵan. Onyń negizgi maqsaty — elimizdegi sý aıdyndarynda qyzmet kórsetýdiń jáne qaýipsizdik standarttaryn arttyrý.
— Bıyl saraptamalyq komıssııanyń nazaryna óńirlerden 30 astam jaǵajaı usynyldy. Onyń ishinde jekemenshik ári qalalyq jaǵajaılar boldy. Baǵalaý QR ST 3013-2017 ulttyq standartyna sáıkes júrgizildi jáne halyqaralyq Blue Flag baǵdarlamasynyń jekelegen krıterııleri eskerildi. Іrikteý kezinde akvatorııanyń qaýipsizdigi, sanıtarlyq jaǵdaıy men ınfraqurylymy, qutqarýshylar men medıtsınalyq beketterdiń bolýy, sýǵa kirýdiń yńǵaılylyǵy, aýmaqty josparlaý, sýdyń sapasyn turaqty túrde baqylaý jáne qoqysty bólek jınaý, kún energııasymen jumys isteıtin dýsh kabınalary, ekologııalyq bilim berý is-sharalaryn qamtıtyn ekologııalyq bastamalar esepke alyndy, — dep habarlady «Kazakh Tourism» ulttyq kompanııasynan.
Saraptamalyq komıssııanyń baǵalaýy boıynsha Garden Burabay (Aqmola oblysy, Býrabaı kýrorty) 166 ballmen úzdik shyqqan. Al № 5 qalalyq jaǵajaı (Almaty oblysy, Qonaev qalasy) — 145,5 ballmen ekinshi orynnan kórindi.
Úzdik jaǵajaılar taza ári qaýipsiz akvatorııasymen, damyǵan ınfraqurylymymen (kıim aýystyratyn bólmeler, dýsh kabınalary, demalys aımaqtary, dámhanalar), balalarmen keletin otbasylarǵa qolaılyǵymen, tabıǵatty saqtaý maqsatyndaǵy ekologııalyq sheshimderdi jáne bastamalardy qoldanýmen erekshelendi.
— Úzdik TOP-3 qazirgi jaǵajaıdyń qandaı bolýy qajet ekendigin kórsetedi: qaýipsiz, yńǵaıly jáne ekologııalyq taza, — dep atap ótti «Kazakh Tourism» UK» AQ basqarma tóraǵasynyń mindetin atqarýshy Danıel Serjanuly.
Pavlodar qalasyndaǵy Ortalyq jaǵajaı tolyqtaı tegin qyzmet kórsetedi. Aýmaqta balalarǵa arnalǵan eki basseın qarastyrylǵan.
Eske sala keteıik, Pavlodardyń Ortalyq jaǵajaıynda elektr samokattarǵa tyıym salý kózdelip otyr.