Pavlodardaǵy órt: Zardap shekken balalardyń jaǵdaıy qalaı

ASTANA. KAZINFORM — Pavlodar oblysyndaǵy órt saldarynan zardap shekken balalardyń biriniń denesin 46 paıyzy kúıik shalǵan. Dárigerler onyń jaǵdaıyn óte aýyr dep baǵalap otyr, dep habarlaıdy Kazinform agenttiginiń tilshisi.

Densaýlyq saqtaý basqarmasynyń málimetinshe, tańǵy saǵat 8:40–8:50 aralyǵynda órt bolǵan jerden tórt bala Ertis aýdandyq aýrýhanasyna jetkizilgen. 2018 jáne 2021 jyly týǵan eki ul bala kómirqyshqyl gazynan ýlanyp, aýyr dárejede kúıik alǵan. Reanımatsııalyq sharalarǵa qaramastan, olar esin jımastan kóz jumdy. Taǵy eki bala aýdandyq aýrýhanadan Pavlodar qalasyna jetkizildi.

— 2015 jyly týǵan bala óte aýyr, turaqsyz jaǵdaıda, kúıiktik shok jaǵdaıynda jatyr. Jansaqtaý bólimshesine jatqyzyldy. Kúıik denesiniń 46 paıyzyn sharpyǵan, sondaı-aq tynys alý joldarynyń kúıigi anyqtaldy. Naýqas ókpeni jasandy jeldetý apparatyna qosylǵan, qarqyndy terapııa jáne reanımatsııalyq is-sharalar júrgizilip jatyr, — dep habarlady Pavlodar oblysynyń densaýlyq saqtaý basqarmasy.

2010 jyly týǵan balanyń denesiniń 1–2 paıyzy kúıip, qol saýsaqtarynan jaraqat alǵan. Jaǵdaıy turaqty, travmatologııa bólimshesine jatqyzyldy.

Eske sala keteıik, 15 qańtar kúni tańerteń Pavlodar oblysy Irtyshsk aýylynda jeke turǵyn úıde órt shyqqan. Órt bolǵan sátte úıde tórt kámeletke tolmaǵan aǵaıyndy bala jalǵyz bolǵan, analary jumysta júrgen. Ókinishke qaraı, eki bala qaza tapty.