Pavlodardaǵy qos JEO-nyń jabdyqtaryn jóndeýge 13,2 mlrd teńge jumsalady
PAVLODAR. KAZINFORM - №2 jylý-elektr ortalyǵyn jańartý sharalary 2026 jyl bastalady. Qazirgi ýaqytta bul kásiporynnyń negizgi jabdyqtary 81 paıyzǵa tozyp tur.
Bıyl №2 jáne №3 JEO-lardaǵy qazandyqtar, týrbınalar men qosymsha jabdyqtar jóndeledi. Ǵımarattardyń tóbe jabyny men kásiporynǵa kómir jetkizetin temir jol toraptary da retke keltiriledi.
«Pavlodarenergo» AQ bas dırektory Oleg Şemeldiń málimetinshe, qos stansany jóndeýge 13,2 mlrd teńge bólingen. Bul – ótken jyly jumsalǵan qarajattan 2,5 esege kóp.
«№2 JEO Pavlodarda alǵashqy salynǵan stansa. Búginde onyń tozý kórsetkishi 81 paıyzdan asty. Aldaǵy jyldary kásiporyndy úlken jańartý kútip tur. 2026 jyly alǵashqy jańa jabdyqtar ornatylady. Odan soń ekinshi, úshinshi týrbınalary aýysýy kerek. 2031 jylǵa deıin stansa jabdyqtaryn tolyqtaı jańartý kózdelgen. Al ázirshe kúrdeli jáne aǵymdaǵy jóndeý jumystary júrgiziledi», – deıdi kásiporyn basshysy.
