Pavlodardaǵy kolonııada halal sabyn jáne sport kıimderi óndirile bastady
PAVLODAR. KAZINFORM - Pavlodardaǵy №46 mekemede qoıdyń maıynan halal sabyn óndirisi men Tauba brendi boıynsha sporttyq kostıýmder tigetin biregeı joba iske qosyldy.
Bul joba sottalǵandar úshin jańa jumys oryndaryn quryp qana qoımaı, jergilikti óndiristi qoldaý men turaqty damýǵa baǵyttalǵan.
Tabıǵı qospalardan daıyndalǵan kir sabyn halal standarty talaptaryna tolyq sáıkes keledi. Soǵan oraı tutynýshylar arasynda suranysqa ıe bolady degen senim zor. Al Tauba brendi boıynsha tigiletin sporttyq kostıýmder sapa men stıldi úılestirip, sottalǵandarǵa óz shyǵarmashylyq qabiletterin kórsetýge de múmkindik berip otyr. Olar bul daǵdylaryn erteń bostandyqqa shyqqanda ári qaraı shırata túseri anyq.
«Biz bul tásildiń qamaýdaǵy adamdarǵa qatysty kózqarasty ózgertýge kómektesetinine senimdimiz. Jobalarymyz sottalǵandardy ońaltý men áleýmettendirýge, sondaı-aq naryqta suranysqa ıe ónimderdi óndirýge baǵyttalǵan», - deıdi mekeme basshysy Sultan Bakın.
Óndirilgen ónimder jergilikti jáne ulttyq naryqtarda qoljetimdi bolady. Bul sottalǵandardyń eńbekke ornalasý jáne ózin-ózi júzege asyrý múmkindikterin arttyrady. Bul jobalardyń iske qosylýy ınklıýzıvti jáne áleýmettik baǵyttalǵan qoǵam qurý jolyndaǵy qadam dep baǵalanyp otyr.
Eske sala keteıik, SQO-da túrmedegiler omartashy jáne jibek qurtyn ósirýshi mamandyqtaryn meńgeredi.
