Pavlodardaǵy kásiporyndardyń birinde áıel adam bıikten qulap, jaraqat alǵan
PAVLODAR. KAZINFORM — Dárigerlerdiń málimetinshe, Pavlodar qalasyndaǵy № 1 aýrýhanaǵa 1979 jyly týǵan áıel adam synyq jaraqattarymen túsken.
Belgili bolǵandaı, zardap shekken áıeldiń aıaqtary, qabyrǵalary, jambas súıekteri synǵan jáne mıyna zaqym kelgen. Naýqasqa ýaqytsha bekitpe ornatý boıynsha ota jasalǵan. Qazirgi sátte jansaqtaý bólimshesinde jatyr. Dárigerler patsıenttiń jaǵdaıyn aýyr, biraq turaqty dep baǵalap otyr. Ol esin biledi jáne jasandy tynys aldyrý apparatyna qosylǵan.
— 1979 jyly týǵan kran mashınısi zardap shekkeni anyqtaldy. 30 naýryz kúni túnde 15 metr bıiktikten qulaǵan. Oqıǵanyń mán-jaıy, sebepteri tergeý-tekserý sharalarynan keıin belgili bolady, — dep habarlady Memlekettik eńbek ınspektsııasy komıteti óńirlik departamentiniń basshysy Asqar Qapanov.
Eske sala keteıik, Almaty mańynda avtobýs pen poıyz soqtyǵysyp, alty adam zardap shekti.
