Pavlodardaǵy ıesiz saıajaılardy turǵylyqty jeri joq adamdar ıelenip alǵan
PAVLODAR. KAZINFORM – Polıtsııa júrgizgen arnaıy reıdter barysynda ıesiz turǵan 50-den astam saıajaı anyqtaldy. Baǵbanshylyqtarda jalpy sany 13 zań buzýshylyq tirkeldi.
Buǵan deıin jergilikti baǵbandar turǵylyqty jeri joq adamdardyń saıajaılardy tonap jatqanyna shaǵymdanǵan edi. Qańǵybastar toptanyp araq iship, saıajaılarda turǵan múlikti jymqyryp ketedi. Al ıesiz turǵan saıajaılardy jatatyn orynǵa aınaldyryp alǵan. Polıtseıler turǵyndardyń shaǵymyna qulaq túrip, «Metallýrg», «ıAblonka», «Ońtústik» baǵbanshylyqtaryna reıd júrgizdi.
«Tártip saqshylary saıajaı alqaptaryn aralap, ıesiz turǵan 50-den astam saıajaı telimderin anyqtady. Jalpy sany 13 zań buzýshylyqtyń joly kesildi. Jeti adam mas kúıinde ustalsa, qolǵa túsken taǵy toǵyz adamnyń turǵylyqty jeri joq ekeni belgili boldy. Barlyq zań buzýshylarmen áńgimelesýler júrgizildi», - dep habarlady Pavlodar qalalyq polıtsııa basqarmasy bastyǵynyń birinshi orynbasary Arman Qaptaev.
Saıajaılar boıynsha reıdter áli de jalǵasyp jatyr.
Eske sala keteıik, byltyr Pavlodarda 527 saıajaı ýchaskesi janyp ketken.
Al sý tasqynynan soń Oral qalasynda 350-den astam saıajaı úıi turýǵa jaramsyz.
