Pavlodardaǵy Halyk Bank-ti tonady degen kúdiktiler Reseıde ustaldy

PAVLODAR. KAZINFORM — Polıtsııanyń aqparatynsha, Pavlodardaǵy bankti tonady degen kúdikpen birneshe azamat Reseı Federatsııasy aýmaǵynda ustaldy. Olardyń barlyǵy kórshi eldiń azamattary.

Óńirlik polıtsııa departamenti ustalǵandarǵa qatysty qazaqstandyq sottyń sheshimimen qamaýǵa alý sanktsııasy qoldanylǵanyn habarlady.

— Halyqaralyq kelisimder aıasynda QR Іshki ister mınıstrligi reseılik áriptesterimen birlesip, tergeý-jedel tobyn qurdy. Sotqa deıingi tergep-tekserý júrgizilip jatyr, onyń qorytyndysy boıynsha protsessýaldyq sheshim qabyldanady, - dep atap ótti departamentten.

Eske sala keteıik, 2024 jyldyń 10 qarasha kúni túnde Pavlodarda bank bólimshesiniń qabyrǵasy lommen buzylyp, tonaldy.

Qarjy naryǵyn retteý jáne damytý agenttiginiń ókilderi bank bólimshesinen qansha dúnıe urlanǵanyn tergeý ǵana aıta alatynyn málimdegen.

Artynsha «Qazaqstan Halyq banki» aktsıonerlik qoǵamynyń baspasóz qyzmeti Pavlodar qalasyndaǵy bólimshesine ury túsý faktisi boıynsha júrip jatqan tergeý týraly pikir bildirgen bolatyn.