Pavlodardaǵy dúkende merzimi ótken shujyq pen kúnbaǵys maıy satylǵan

PAVLODAR. KAZINFORM - Aımaqtaǵy dúkenderge monıtorıng júrgizilip, saýda núktelerinen 36 ónim túri satyp alynǵan. Onyń 25-i tehnıkalyq reglamentke sáıkes kelmese, 18-niń sertıfıkaty bolmaǵan.

Pavlodar oblysyna Mańǵystaý oblystyq tutynýshylardyń quqyqtaryn qorǵaý qoǵamynyń ókilderi arnaıy kelip, azyq-túlik sapasyna monıtorıng júrgizgen. Olardyń mindeti — saýda oryndarynan túrli ónimderdi satyp alyp, akkredıttelgen zerthanalarda synaqtan ótkizý. Saraptamaǵa usynylǵan satyp alýlar tiziminde áleýmettik mańyzy bar azyq-túlik taýarlary da bar.

«Kóptegen sheteldik ónimder málimdelgen sıpattamalarǵa sáıkes kelmedi. Kóptegen jaramdylyq merzimi ótip ketken jáne kontrafaktilik taýarlar anyqtaldy. Tutynýshylardy ónim týraly habardar etýde zań buzýshylyqtar oryn alǵan. Pavlodarda barlyǵy 36 ónim túri satyp alyndy. Onyń 25-i tehnıkalyq reglamentke sáıkes kelmese, 18-iniń sáıkestik sertıfıkaty bolmaǵan. Satyp alynǵan taýardyń tórt túri — túrli shujyqtar men ósimdik maıynyń jaramdylyq merzimi ótip ketken», -deıdi Mańǵystaý oblystyq tutynýshylardyń quqyqtaryn qorǵaý qoǵamynyń ókili Janna Bııatan.

Buǵan deıin pavlodarlyq tekserýshiler dúkenderdiń sórelerinen 20-dan astam zań buzýshylyqty anyqtaǵany týraly jazǵan edik.