Pavlodardaǵy daýyldyń saldary: 76 ǵımarattyń tóbe jabyndysy zaqymdanǵan
PAVLODAR. KAZINFORM – Oblys aýmaǵynda bolǵan qatty jeldiń saldarynan 76 ǵımarattyń tóbe jabyndysyna zaqym kelgen. Onyń 14-i áleýmettik nysandar ekeni anyqtaldy.
Óńirlik tótenshe jaǵdaılar departamenti 7 qarasha kúni Pavlodar oblsynyń aýmaǵynda bolǵan surapyl daýyldyń saldary týraly sońǵy málimettermen bólisti.
– Pavlodar oblysynyń aýmaǵynda bolǵan qatty jeldiń (jyldamdyǵy sekýndyna 28 metrden asty) saldarynan 76 nysanda tóbe jabyndysy zaqymdandy. Onyń 14-i – áleýmettik nysandar. Tutastyǵyna nuqsan kelgen ǵımarattar Pavlodar, Ekibastuz, Aqsý qalalarynda jáne Baıanaýyl, Jelezın, Aqtoǵaı, Maı, Pavlodar, Tereńkól, Ertis aýdandarynda ornalasqan. Qazirgi ýaqytta oblystyń 18 eldi mekeninde elektrmen jabdyqtaýdy qalpyna keltirý jumystary júrgizilip jatyr. Avarııalyq-qutqarý jumystaryn júrgizý úshin tótenshe jaǵdaı departamenti qutqarýshylarynyń 12 shyǵýy júzege asyryldy, - dep málimdedi departamentten.
Búgin túnde Pavlodar oblysynyń batysynda, soltústiginde, shyǵysynda qarly boran kútiledi. Ońtústik-batystan soqqan jeldiń ekpini sekýndyna 23-28 metrge deıin jetýi yqtımal.
7 qarasha kúni Pavlodarda surapyl jeldiń jyldamdyǵy sekýndyna 32 metrge deıin jetkeni týraly týraly jazǵan edik.
Al óńirlik tótenshe jaǵdaılar departamentiniń dereginshe 540 sharshy metr tóbe jabyny sógilip, jaryq óshýdiń 28 deregi tirkelgen.
Kúshti jel saldarynan Pavlodarda ústine aǵash qulaǵan áıel jan tapsyrdy.
Pavlodar oblysynyń ákimdigi jekelegen aýmaqtarda tótenshe jaǵdaı rejımi jarııalanatynyn habarlady.
Aýa raıynyń qolaısyzdyǵyna baılanysty oblystyń barlyq mektebinde sabaq qashyqtan oqytýǵa aýystyryldy.
