Pavlodardaǵy bıýdjettik mekemeler keńse qaǵazyn qymbat baǵaǵa satyp almaqshy bolǵan
PAVLODAR. KAZINFORM - Sybaılas jemqorlyqqa qarsy qyzmettiń volonterleri jalpy somasy 9,5 mln teńge bıýdjet qarajatynyń negizsiz jumsalýyna jol bermedi. Mekemeler keńse qaǵazyn naryqtaǵy qunynan qymbat baǵada satyp almaqshy bolǵan.
Mysaly, Pavlodar oblysy Jelezın aýdanynyń bilim berý bólimi A-4 formatyndaǵy keńse qaǵazynyń bir býmasyn 2 600 teńgeden satyp alýǵa bel baılaǵan. Kózdelgen taýardyń jalpy quny 7,3 mln teńgeden asady. Alaıda atalǵan taýardyń naryqtaǵy quny 1 500 teńge turady.
«Mundaı zańbuzýshylyq Tereńkól aýdanynda da tirkeldi. Volonterler aýdandyq aýrýhana ár býmasyn 2 500 teńgeden, jalpy somasy 750 myń teńgege keńse qaǵazyn satyp almaqshy bolǵanyn anyqtady. Taǵy bir jaǵdaı Pavlodar oblysy boıynsha memlekettik kirister departamentine qatysty bolyp otyr. Mekeme basshylyǵy naryqtyq qunyn zerttemesten, joǵary baǵamen jalpy quny 10 mln teńgeden asatyn somaǵa keńse qaǵazyn suratqan. Volonterler atalǵan tapsyrys berýshilerdiń atyna usynys hattar joldady. Olardy qaraý nátıjeleri boıynsha memlekettik satyp alýǵa tıisti túzetýler engizildi», - dep habarlady óńirlik antıkor qyzmetinen.
