Pavlodardada ushaq apatynan tiri qalǵan ushqyshtyń jaǵdaıy belgili boldy
PAVLODAR. KAZINFORM — Pavlodardaǵy № 1 qalalyq aýrýhananyń málimetinshe, 28 jastaǵy zardap shegýshi qazirgi ýaqytta shuǵyl ota jasaýdy qajet etpeıdi.
Dárigerlerdiń deregi boıynsha, ushqysh jansaqtaý bólimine túsken. Búgingi tańda onyń jaǵdaıy turaqty dep baǵalanyp otyr.
— Naýqas jansaqtaý jáne qarqyndy terapııa bóliminde qajetti em-dom qabyldap jatyr. Shuǵyl hırýrgııalyq emdeýdi qajet etpeıdi, — dep habarlady oblys ortalyǵyndaǵy № 1 qalalyq aýrýhanadan.
Eske sala keteıik, 27 mamyr kúni tańerteńgi ýaqytta Pavlodar oblysynyń Jelezınka aýylyna taıaý mańda An-2 ushaǵy apatqa ushyrady. Oqys oqıǵa saldarynan bir adam qaza tapty.
Al zardap shekken ushqysh oqıǵa ornynan Pavlodar qalasyna avıabortpen jetkizilgen bolatyn.
