Pavlodarda jylý júıesine zaqym kelip, 4 kóshedegi úıler jylýsyz qaldy

PAVLODAR. QazAqparat – Pavlodardaǵy Vsevolod Ivanov kóshesinde ornalasqan jylý júıesine zaqym keldi, dep habarlaıdy QazAqparat tilshisi.

«Pavlodar jylý jelileri» JShS Vsevolod Ivanov kóshesi 49/1 mekenjaıy boıynsha ornalasqan jylý júıesindegi aqaýdy jóndeý jumystaryn bastady», - dep málim etti Pavlodar qalasynyń turǵyn úı ınspektsııasy kúndizgi saǵat 12 shamasynda.

Vedomstvo derekterine saı, aqaýlardy jóndeýge bir top maman men bes tehnıka jumyldyrylǵan.

«Jóndeý jumystary 2022 jyldyń 21 qańtary saǵat 16:00-ge deıin aıaqtalady», - dep qosty ınspektsııadan.

Vsevolod Ivanov 49/1, 62, 62/1, 64, 64A, 66, 68, Qaraǵandy 52, 58, 61, 63, 64, 65, 67, Kıslovodskaıa 55, 56, 57 jáne Ystyqkól 64 mekenjaılary boıynsha jylý óshirilgeni habarlandy.