Pavlodarda jylý trassasynda iri órt oryn aldy
ASTANA. QazAqparat - Pavlodarda jylý trassasynda iri órt oryn aldy, dep habarlaıdy pavlodarnews.kz.
«Pavlodar jylý jelileri» JShS № 3 jylý elektr ortalyǵynyń 150 metr jylý trassasy qyzyl jalynǵa oranyp, oqshaýlaǵysh qaptama órtengen. Qazirgi tańda órttiń shyǵý sebebi men keltirilgen shyǵyn kólemi anyqtalýda. Qasynda qýarǵan aǵash bolǵan. Múmkin ot qýrap qalǵan shópten jylý trassasyna aýysqan shyar», - deıdi oblystyq TJD baspasóz qyzmetiniń qyzmetkeri Maral Saǵynova.
- Órt sóndirý qyzmeti oqıǵa ornyna 12.24-te shyǵyp, 2 saǵat ishinde aýyzdyqtaǵan. Degenmen, «PAVLODARENERGO» AQ bul jaǵdaı qalanyń jylý maýsymy daıyndyǵyna esh kedergi keltirmeıdi dep sendirýde.
«PAVLODARENERGO» AQ qoǵammen baılanys jónindegi bólim basshysynyń mindetin atqarýshy Olesıa Emelıanovanyń aıtýynsha, órt 2 jáne 3 JEO-nyń arasyndaǵy tehnologııalyq tosqaýylda oryn alǵan. - Tilsiz jaý jylý maýsymyna esh áser ete qoımaıdy. Qazirde órttiń sebepteri anyqtalýda. Qasaqana bireý ot qoıǵan degen joramal bar, - dedi Olesıa Emelıanova.
