Pavlodarda jylý elektr ortalyǵyndaǵy apattyń qaıdan shyqqany belgili boldy
27 qarashada saǵat 20.10-de 112 pýltine turǵyndardan Pavlodar qalasynyń ońtústik jáne shyǵys shaǵyn aýdandarynda jylý birde kelip, birde kelmeı turǵany týraly habar kelip túsken.
№1 jylý elektr ortalyǵynda saǵat 19.00-de jarylǵan №3 qubyrdyń jumysy toqtatyldy, qalpyna keltirý jumysyn júrgizý kezinde jylý aıdaıtyn úsh jelilik sorǵy toqtatyldy, jylý berý azaıtyldy.
TJM resmı ókili Talǵat Ýálı habarlaýynsha, avarııalyq-qalpyna keltirý jumysyn júrgizý kezinde №1 jylý elektr ortalyǵynyń tutynýshylaryn 27 qarashada saǵat 20.00-de №2 jáne №3 jylý elektr ortalyqtaryna qosty.
№1 jylý elektr ortalyǵy aýmaǵyndaǵy jylý jelisiniń búlingen ýchaskesi buzylyp, jańasy ornatyla bastady. Avarııalyq-qalpyna keltirý jumysy 28 qarashada saǵat 12.00-ge deıin jalǵasty. Jylýmen jabdyqtaý iske qosyldy.
Qazirgi málimet boıynsha «Qazaqstan alıýmınııi» AQ 1-jylý elektr ortalyqtyń aýmaǵyndaǵy tozǵan dıametri 800 mm qubyr qubyr jaryldy. Sonyń saldarynan qalanyń ońtústik jáne shyǵys bóliginde jylý berý azaıtylǵan.
№1 jylý elektr ortalyqtyń jylý jelilerin avarııalyq-qalpyna keltirýge jeke quramnan 90 adam jáne 25 tehnıka jumyldyryldy. «Jylý jelileri» JShS (40 adam jáne 10 tehnıka), «Alıýmını Kazashstan» AQ 1-JEO (40 adam jáne 10 tehnıka), jergilikti atqarýshy organdar (5 adam jəne 3 tehnıka), Pavlodar oblysy TJD (5 adam jəne 2 tehnıka).
29 qarashada jaǵdaı boıynsha qaladaǵy jylý jelisinde basqa apat tirkelmegen.
