Pavlodarda «Jyl janashyry» atanǵandar belgili boldy

PAVLODAR. QazAqparat - Pavlodarda jyl boıy ártúrli áleýmettik jobalarǵa qatysyp, demeýshilik jasaǵan metsenattar arasynda uıymdastyrylǵan «Jyl janashyry» baıqaýynyń jeńimpazdary marapattaldy, dep habarlaıdy QazAqparat pavlodarnews.kz silteme jasap.

Óńirlik «Rýhanı jańǵyrý» jobalyq keńsesinde ótken sharada 10 adam «Jyl janashyry» ataýyna laıyq dep tanyldy. Sharaǵa oblystyq ishki saıasat basqarmasynyń basshysy Ernur Dáýenov qatysyp, jany jomart jandar ózderiniń ónegeli isterimen ózgege úlgi bola bilgenin atap ótti.

«Rýhanı jańǵyrý» baǵdarlamasynyń basty maqsattarynyń biri - muqtaj jandarǵa qoldaý kórsetý. Osy maqsatta óńirimizde «Jyl janashyry» aktsııasy qolǵa alynyp, belgili kásipkerlerdi ártúrli áleýmettik sharalarǵa qatysýǵa shaqyrǵan edik. Jaqynda qatysýshylardyń tizimin jınaqtap, jeńimpazdaryn anyqtadyq», - dedi Ernur Daýenov.

Basqarma basshysy barsha jeńimpazdarǵa arnaıy ázirlengen statýetkalardy jáne oblys ákiminiń orynbasary Meıram Begentaevtyń atynan alǵys hattar tabystady.

«Jyl janashyry» jobasy jeńimpazdarynyń biri - «Pavlodar ózen porty» AQ tóraǵasy Tileýbek Rymbekuly.

«Bizdiń mekeme mundaı ıgi bastamalardan qalys qalmaıdy. Osy jyly kóktemde ekinshi Pavlodar shaǵyn aýdanynda sý alǵan úılerge qajetti materıaldaryn jetkizip berip, jóndeý jumysyn júrgizýge kómektestik. Sonymen qatar, jalǵyz basty zeınetkerlerge de jıi qaraılasyp turamyz», - deıdi atalmysh mekeme dırektorynyń orynbasary Tólegen Kúljanov.