Pavlodarda jyl basynan beri 2 myńnan astam adamnyń isi sotqa jetpegen
PAVLODAR. QazAqparat - Medıatsııa sharasy sotta qaralatyn isterdiń sanyn azaıtty. Bul týraly medıatsııa jóninde ótken jıynda oblystyq sottyń tóraǵasy Muhtar Smaǵulov aıtty, dep habarlaıdy pavlodarnews.kz.
Medıatsııa ınstıtýtyn nasıhattaý maqsatynda 3 tamyz - Biryńǵaı medıatsııa kúni bolyp jarııalandy. Oblystyń barlyq aýdandary men qalalarynda ashyq esik kúnderi ótkizildi. Sharaǵa 4,5 myńnan astam adam qatysqan.
- Medııatsııa - adamǵa syılastyq tanytýǵa baǵyttalǵan kópjaqty qural, - dedi Pavlodar oblysy ákiminiń orynbasary Meıram Begentaev. - Qazaqstan halqy Assambleıasy bitimgershiliktiń mańyzdy mindetin atqarýda. Bizdiń ınstıtýttyń arqasynda qaralatyn ister sany azaıyp, janjaldar sıredi».
Medıatsııa ortalyǵynyń jetekshisi, Pavlodar oblysyndaǵy QHA tóraǵasynyń birinshi orynbasary Olga Nıkolashınanyń aıtýynsha, medıatsııa rásiminiń mańyzdylyǵy - qarym-qatynasty saqtaı otyra daýlasýǵa ruqsat etip, adamdardy óz erkimen kelisimge kelýge ıtermeleýinde. - Ortalyq ashylǵan 2,5 jyldyń ishinde aýqymdy ister atqaryldy, - dedi Olga Nıkolashına. - 2016 jyldyń 4-maýsymynda oblys ákimdigi, oblystyq sot jáne Qazaqstan halqy Assambleıasymen úshjaqty kelisim jasalǵannan bastap qarqyn ala bastadyq».
Aıta ketken jón, búgingi tańda óńirde medıatsııanyń 34 kabıneti jumys jasaıdy. Oblystyq sottyń tóraǵasy Muhtar Smaǵulovtyń sózine qaraǵanda, bıyl jyl basynan beri 2000-nan astam is sotqa deıin jetpegen. - Qazirgi kezde Ekibastuz qalalyq sotynda jáne Pavlodar qalalyq №2 sotynda bitimgershilikke kelý boıynsha pılottyq joba bastalǵan, - dedi Muhtar Smaǵulov. - Ákimshilik sot otbasylyq-turmystyq isterde januıany saqtap qalý, otbasylarda kúsh kórsetýdi azaıtý úshin eki jyldan beri medıatsııa nátıjeli qoldanylyp keledi. Besinshi shildede oblystyq sot pen oblystyq densaýlyq saqtaý basqarmasy arasynda oblysta sotqa deıingi jáne sot tártibimen medıatsııa jasaý boıynsha memorandýmǵa qol qoıyldy. Bul óz jemisin beretin jańa, ári qyzyqty jumys. Oǵan qosa, bizdiń mekeme - respýblıka boıynsha ortalyqpen birlese otyryp mekteperde medıatsııa kómegimen urys-keriske ruqsat etetin alǵashqy uıym.
Foto: pavlodarnews.kz
