Pavlodarda jurtshylyqty rezeńke qaıyqpen serýendetip júrgenderge tyıym salynýy múmkin

PAVLODAR. KAZINFORM — Pavlodar oblysynyń ákimi Asaıyn Baıhanov Ertis ózeniniń Ortalyq jaǵajaıyna týra kelip, adamdardy sý ústine serýendeýge alyp shyǵatyn qaıyqtardy baqylaýǵa alýdy tapsyrdy. Sýǵa túsý kezeńinde olar tynyǵýshylarǵa qaýip tóndirýi múmkin.

«Ortalyq jaǵajaıda júrgenimde rezeńke qaıyqqa mingen azamattar aqsha alyp, adamdardy sý betinde serýendetip júrgenin baıqadym. Qaıyqqa mingender arasynda balalar da bar. Ertis aǵyny óte qatty ózen ekenin eskerýimiz kerek, bul adamdardyń ómirine qaýipti bolýy múmkin. Buǵan qosa jaǵajaıda qaıyqtar úshin bıýdjet qarajatyna arnaıy pırs salynǵan. Alaıda qaıyqtar onda emes, jaǵalaýǵa kelip toqtaıdy. Sondyqtan jaýapty organdar reıd júrgizip, bul máseleni turaqty baqylaýǵa alýy kerek», -dep tapsyrdy óńir basshysy jaýapty organdar. 

Ertis-Baıan óńirinde sýǵa túsý maýsymy ázirshe resmı túrde ashylǵan joq.

Qazirgi ýaqytta súńgýirler jaǵajaılardaǵy sý astyn zerdelep, tazartyp jatyr.

Sýǵa túsýge tyıym salynǵan jerlerde 177 belgi qoıylǵan, jaqyn arada taǵy osyndaı 77 taqtaısha ornatylady.

Eske sala keteıik, Ertis ózenine shomylyp júrgen jas jigit sýǵa batyp ketti.