Pavlodarda «Jýrnalıster úıiniń» tusaýy kesildi
ASTANA. QazAqparat - Bes oblystyq BAQ redakıtsııalary men pavlodarlyq óńirlik kommýnıkatsııalar qyzmeti qonys toıyn toılady, dep habarlaıdy pavlodarnews .
Budan bylaı «Zvezda Prıırtyshıa», «Saryarqa samaly», «Regıon KZ» gazetteri, «Pavlodarnews.kz» aqparattyq agenttigi, «Naızatas» jýrnaly men Pavlodar oblystyq óńirlik kommýnıkatsııalar qyzmeti Astana (burynǵy Lenın), 143, mekenjaıyndaǵy ǵımaratta ornalasady.
Buqaralyq aqparat quraldary qyzmetkerlerin ataýly merekemen oblys ákimi Bolat Baqaýov quttyqtady. Aıta keteıik, úsh jyl buryn jýrnalıster bul ǵımarattan basqa jerge qonys aýdarǵan bolatyn.
Aımaq basshysynyń bastamasymen ótken jyldan beri kúrdeli jóndeý jasalyp, qalam men mıkrofondy serik etken jandar burynǵy jańa úılerine qaıta qonys aýdardy.
«Jaǵalaý sizderden alys emes, sondyqtan qydyryp, bos ýaqytta shyǵarmashylyq shabyttanýǵa bolady. Jańa jyl qarsańynda sizdermen jańa ǵımaratta qaýyshqanyma shyn júrekten qýanyshtymyn. 2017 jyl Qazaqstan men Pavlodar oblysy úshin tabysty boldy. Bárińizge jaqsylyq pen tabys tileımin, Jańa jyl qutty bolsyn, - dedi Bolat Baqaýov.
