Pavlodarda júrgizýshi kýáligin alýǵa arnalǵan praktıkalyq emtıhan ýaqytsha toqtap tur

PAVLODAR. KAZINFORM — Buǵan júıedegi tehnıkalyq aqaý sebep bolǵan. Qazirgi ýaqytta qyzmet kórsetýshi uıym anyqtalǵan aqaýdy joıý boıynsha tıisti jumystardy júrgizip jatyr.

Pavlodar qalasyndaǵy mamandandyrylǵan halyqqa qyzmet kórsetý ortalyǵynda júrgizýshi kýáligin alý úshin praktıkalyq emtıhan qabyldaý ýaqytsha toqtatyldy.
Bul týraly «Azamattarǵa arnalǵan úkimet» memlekettik korporatsııasynyń Pavlodar oblystyq fılıaly habarlady.

— Kosmonavtar kóshesi, 2 mekenjaıynda ornalasqan mamandandyrylǵan halyqqa qyzmet kórsetý ortalyǵynda (Mamandandyrylǵan HQKO) júrgizýshi kýáligin alý úshin praktıkalyq emtıhan qabyldaý ýaqytsha toqtatyldy. Buǵan júıedegi tehnıkalyq aqaý sebep boldy. Qazirgi ýaqytta qyzmet kórsetýshi uıym anyqtalǵan aqaýdy joıý boıynsha tıisti jumystardy júrgizip jatyr. Praktıkalyq emtıhan qabyldaýdyń qaıta bastalýy týraly qosymsha habarlanatyn bolady, — dep málimdedi kompanııadan.

Eske sala keteıik, Qyzylordada júrgizýshi kýáligi joq adamdar balabaqsha kóligin júrgizgen.