Pavlodarda júrgizýshi kýáligin alý úshin praktıkalyq emtıhan qabyldaý qaıta bastaldy
PAVLODAR. KAZINFORM — Mamandandyrylǵan HQKO-da paıda bolǵan tehnıkalyq aqaýlar tolyqtaı joıylǵan.

Bul týraly «Azamattarǵa arnalǵan úkimet» memlekettik korporatsııasynyń Pavlodar oblysy boıynsha fılıalynan habarladyú
— «Azamattarǵa arnalǵan úkimet» memlekettik korporatsııasynyń Pavlodar oblysy boıynsha fılıaly Kosmonavtar kóshesi, 2 mekenjaıynda ornalasqan mamandandyrylǵan halyqqa qyzmet kórsetý ortalyǵynda (mamandandyrylǵan HQKO) júrgizýshi kýáligin alý úshin praktıkalyq emtıhan qabyldaý qaıta bastalǵanyn habarlaıdy. Buǵan deıin jumys ýaqytsha toqtatylýyna sebep bolǵan tehnıkalyq aqaýlar tolyqtaı joıyldy. Qazirgi ýaqytta mamandandyrylǵan HQKO qalypty rejımde jumys istep, emtıhan qabyldaý ádettegi tártippen júrgizilip jatyr. Turǵyndardyń ýaqytsha qolaısyzdyqtarǵa túsinistik tanytyp, sabyrlyqpen kútkeni úshin alǵys aıtamyz, - dep málimdedi mekemeden.
Buǵan deıin Pavlodarda júrgizýshi kýáligin alýǵa arnalǵan praktıkalyq emtıhan ýaqytsha toqtap turǵany týraly habarlaǵanbyz.