Pavlodarda júrgizýshisi joq KamAZ avtokólikke soǵyldy
PAVLODAR. QazAqparat – Pavlodar - Ekibastuz avtojolynda kóligine qol tejegishti qospaýy saldarynan apattyq jaǵdaı týǵyzǵan júrgizýshige aıyppul salyndy, dep habarlaıdy Pavlodarnews.kz.
Oblystyq polıtsııa departamenti baspasóz qyzmetiniń málimeti boıynsha, Qalqaman aýyly mańyndaǵy Pavlodar - Ekibastuz avtojolynda jol boıyndaǵy dámhanalardyń biriniń janynda KamAZ júrgizýshisi kólik qoıyp jatqan kezde qol tejegishti qospaǵan. Saldarynan júk kóligi joǵarydan tómen qaraı qozǵalǵan kúıi «Nıssan» kóligine soǵylǵan.
- JKO faktisine qatysty KamAZ júrgizýshisi QR ÁQBK 610-baby boıynsha jaýapkershilikke tartyldy, - delingen habarlamada.
Aıta keteıik, jyl basynan beri QR ÁQBK 610-baby boıynsha tártip saqshylary Pavlodar oblysynyń 158 turǵynyn ákimshilik jaýapkershilikke tartqan.
