Pavlodarda jumysshy tólenbegen jalaqy úshin tamyryn kesti
PAVLODAR. QazAqparat – Pavlodarda jumysshy jalaqy tólemegen kásiporynnyń basshylyǵyna baryp, sol jerde tamyryn kesken, dep habarlaıdy QazAqparat.
«Ol osy problemaǵa nazar aýdartý úshin osylaı istedi, - dep málim etti eńbek basqarmasynan. – Biraq bul - azamattyq-quqyqtyq qatynas. Biz oǵan merdigerlik kelisimshartty jasaǵan azamatty sotqa berý jóninde keńes berdik, ol sotqa shaǵymdanýy tıis».
Vedomstvonyń málimetinshe, sot kimniń kimge qansha aqsha bereshek ekenin anyqtaýy kerek. Búginde eńbek ınspektsııasy «Olımp-PVL» jaýapkershiligi shekteýli seriktestigimen kelissóz júrgizýdi josparlap otyr.
«Múmkin olar bul máseleni beıbit jolmen shesher. Shynymen de jalaqyǵa aqsha qaryz ba, qaryz bolsa, qansha degen sııaqty máselelerdi talqylap, bir kelisimge kelýi múmkin. Ol jaǵdaıda tipti sotqa berýdiń qajeti bolmaıdy», - dep túsindirdi eńbek basqarmasyndaǵylar.
