Pavlodarda jumysshy temirbeton taqtanyń astynda mert boldy
ASTANA. QazAqparat - Ekibastuz qalasyndaǵy Stantsııa Ekıbastýzskaıa GRES-2» AQ-da jumys kezinde 33 jastaǵy gaz-elektr dánekerleýshi mert boldy, dep habarlaıdy pavlodarnews.kz.
Memlekettik eńbek ınspektory Abylaı Sabyrovtyń aıtýynsha, jantúrshigerlik oqıǵa 29-maýsym kúni, saǵat kúndizgi 15:00 kezinde bolǵan.
«EK-MONTAJ-SERVIS» JShS-niń 33 jastaǵy gaz-elektr dánekerleýshisi Sergeı Marchenko jumys jasap jatqanda, onyń ústine temirbeton taqtasynyń bir bóligi qulap ketken. Er adamnyń 13 mınýt boıy júregi soǵyp turdy, alaıda, ol medıtsınalyq kómek kórsetý barysynda kóz jumdy. Oqıǵanyń mán-jaıy tergeýden soń belgili bolady, - dedi Abylaı Sabyrov.
Eske salaıyq, osydan bir aıdan az ýaqyt buryn uqsas jaǵdaı «RAN-Medi Oil» JShS-de oryn alǵan. Saldarynan 57 jastaǵy er azamat qaıtys bolǵan edi.
