Pavlodarda jumyrtqa men kókónistiń baǵasyn turaqtandyrý joly izdestirilýde
ASTANA. QazAqparat - Pavlodarda Qazaqstannyń ońtústiginen ákelinetin jemis-kókónis ónimin satýǵa arnalǵan jeke alań ashý qajet. Áikmdiktiń baspasóz qyzmetiniń habarlaýynsha, keńes barsynda Pavlodar oblysynyń ákimi Bolat Baqaýov osylaı málimdegen.
Oblys ákim ońtústikqazaqstandyq aýylsharýashylyǵy ónimin óndirýshiler Pavlodarǵa alma, júzim jáne basqa da ónim jetkizýge ázir ekenin eske saldy.
«Qalada ońtústikten ákelinetin kókónis pen jemisti bólek satatyn oryn tabý qajet, - dedi ákim. - Qazir bul ónim «Rahmet» bazaryna tússe, ony jergilikti kótere satyp alýshylar satyp alyp, ony basqa baǵaǵa satady. Eger de biz Ońtústik Qazaqstandaǵy seriktesterimizdi jaqsy saýda alańymen qamtamasyz etsek, olar bizben jyl boıyna jumys isteýge daıyn».
Ákimdikte taýyq jumyrtqasynyń baǵasyn tómendetý múmkindigi de talqylandy. Sońǵy derekterge sáıkes, maýsym aıynyń sońynan azyq pen veterınarlyq dári-dármekterdiń qymbattaýy saldarynan jumyrtqa 26%-ǵa qymbattaǵan. Anyq bolǵandaı, qus fabrıkalary jyl basynan bastap azyqqa jumsalǵan shyǵynnyń bir bóligin óteýge bir tıyn sýbsıdııa almaǵan, qaryz 80 mln teńgeni qurap otyr.
«Bul máseleni ekijaqty sheshý úshin azyq-túlik baǵasyn turaqtandyrýmen kásipkerler ǵana aınalysyp qoımaı, memlekettik qurylymdar da atsalýlary qajet, - dep málimdedi Bolat Baqaýov. - Bul rette azyq sýbsıdııalanǵan joq, nátıjesin kórip otyrmyz. Keıbir pozıtsııalar boıynsha, mysaly, bizdiń bıznesmenderge ınvestıtsııalyq sýbsıdııalar boıynsha jobalardyń aıaqtalmaı qalýy sebepti qaıtarýǵa arnalǵan qarajat ıgerilmeı otyr».
Aıta ketetini, «Sharbaqty-qus» JShS jaqyn arada balapan satyp alýdy josparlap otyr, bul jumyrtqa óndirisi kólemin arttyrmaq. Oǵan qosa, bıylǵy jylǵy qyrkúıekte Jetekshi aýylyndaǵy «Pavlodar - qus» JShS 80 myń balapan satyp alýdy josparlap otyr, osy jyldyń sońynda nemese kelesi jyldyń basynda kásiporynda alǵashqy ónim almaq.
