Pavlodarda júkti kelinshek obyrdan qaıtys boldy
ASTANA. QazAqparat - Pavlodar qalalyq №1 aýrýhanasynyń bosandyrý bóliminiń qabyldaý bólmesinde 32 jastaǵy áıel qaıtys boldy, dep habarlaıdy pavlodarnews.kz.
Oblystyq densaýlyq saqtaý basqarmasynyń baspasóz qyzmeti habarlaǵandaı, 18 qańtar kúni saǵat 10 shamasynda jedel járdem qyzmetine er azamat habarlasyp, áıeliniń nashar sezinip jatqanyn aıtqan. Júkti áıeldi qalalyq №1 aýrýhananyń bosandyrý bólimine jetkizgen. Dárigerler jarty saǵat boıy áıel adamnyń ómirin saqtap qalýǵa tyrysqanymen nátıje bolmady. Boljam boıynsha dıagnoz - tómengi ókpeniń qaterli isigi. Náreste qursaqta qaıtys boldy.
Oblystyń bas akýsher-gınekology Gúlnar Jarmakınanyń aıtýynsha, marqum №4 qalalyq emhanada qaralyp, ýaqytyly tekserilip júrgen. «Ókinishke oraı, júkti áıelderde mundaı jaǵdaı bolyp turady», - dedi dáriger.
